Alle kommunar skal gjennom kommuneplanen gjennomføra planlegging med sikte på å samordna den fysiske, økonomiske, sosiale, estetiske og kulturelle utviklinga i kommunen.
Kommuneplanen består av ein tekstdel ( samfunnsdel) og ein arealdel ( kartdel), og dei to delane har ulike funksjonar. Tekstdelen gjer uttrykk for visjonar og overordna mål for lokalsamfunnet og peiker på oppgåver som bør prioriterast. Denne delen gjeld for 12 år og skal ta omsyn til samfunnsmessige endringar som kan skje i løpet av desse åra.
Arealdelen viser ( på kart) korleis dei ulike areala i kommunen skal nyttast Til plankarta er det knyta tilhøyrande føresegner ( juridisk bindande ) og retningsliner.
Kommuneplanen skal rullerast kvart 4. år. Rulleringa av Voss kommune sin kommuneplan er no i sluttfasen. Link til kommuneplansidene.
Det kan utarbeidast meir detaljerte kommunedelplanar for ulike tema eller geografiske område.
Reguleringsplan er ein arealplan med tilhøyrande føresegner som i detalj seier kva føremål dei ulike områda skal nyttast til.
Under kunngjeringar ligg planar som er ute til høyring og offentleg ettersyn.
Alle kan gje innspel/merknad til desse planane. Informasjon om planane og høyringsfristar finn ein på kommunen sine heimesider.