9 unge artistar/grupper presenterte sine kulturinnslag under den lokale Ungdommens Kulturmønstring (UKM) på Voss laurdag 6. februar.  Kvaliteten på det dei unge kulturutøvarane presenterte, var gledeleg høg, så juryen kvitterte med å senda heile 17 Vossa-ungdommar (frå 14 til 19 år) vidare til UKM-fylkesmønstringa i Bergen i april.

På saklista til Formannskapet denne veka var også saka om innføring av eigedomsskatt i heile kommunen.  Budsjettvedtaket i desember baserte seg som kjent på monaleg kommunal inntektsauke som følgje av utvida eigedomsskatt.  Sett på denne bakgrunn kan det vel knapt kallast noko overrasking at Formannskapet(FPL) mot 1 røyst nå tilrår eigedomsskatt i heile kommunen. 

Saka kjem opp til endeleg avgjerd i Voss kommunestyre i møte 10. februar.

Søkjarlista for utlyst stilling som kommunalsjef Helse og Sosial er nå offentleg. Det er i alt 5 søkjarar til stillingen.

Søkjarlista til utlyst stilling som kommunalsjef for Kultur og Fritid er nå offentleg. Det er i alt 11 søkjarar til denne stillingen.