UKM 2010: – 17 Vossa-ungdommar vidare til Fylkesmønstring i Bergen.

9 unge artistar/grupper presenterte sine kulturinnslag under den lokale Ungdommens Kulturmønstring (UKM) på Voss laurdag 6. februar. Kvaliteten på det dei unge kulturutøvarane presenterte, var gledeleg høg, så juryen kvitterte med å senda heile 17 Vossa-ungdommar (frå 14 til 19 år) vidare til UKM-fylkesmønstringa i Bergen i april.

Som vanleg spente kulturinnslaga over eit vidt spekter. Somme sakna nok Jazz og Hardingfele under den lokale UKM-mønstringa; medan personar som har følgt utviklinga i det lokale rocke-miljøet over tid, spår at "Vossa-Rock'en" kan gå ei ny blømingstid i møte.

Publisert av Gunnar Dagestad. Ansvarleg Gunnar Dagestad. Første gong publisert 09.02.2010

Søk